زێلێنسکی لۆمەی ئەوروپا دەکات

ئاڤا نیوز 

 

سەرۆکی ئۆکراینا نیگەرانە لە وڵاتانی ئەوروپا و پێیوایە کەمتەرخەمییان ڕێگەی خۆش کردووە ڕووسیا لەشکرکێشی زیاتر بکات بۆ نێو خاکی ئۆکراینا.

 

وێنە گەورەکە: لە دوو مانگی ڕابردوودا هاوکارییە جەنگییەکان بۆ ئۆکراینا کەمیکردووە، ئەمەش وایکردووە هێزەکانی ڕووسیا گورزێکی بەهێز لە ناوچەکانی ڕۆژهەڵاتی وڵاتەکە بووەشێنن. 

 

لێدوانی فەرمی: ڤۆلۆدیمێر زێلێنسکی، سەرۆکی ئۆکراینا گوتی: "یەکێتیی ئەوروپا بەڵێنی دابوو هاوکاری سەربازیی زیاترمان بکات، بەڵام تاوەکو ئێستا ئەو هاوکارییەمان نەدیوە".

 

زانیاریی زیاتر: هەفتەی ڕابردوو ئەڵمانیا بڕیاریدا سیستەمی بەرگریی ئاسمانیی جۆری پاتریۆت بۆ ئۆکراینا دابین بکات، هۆکارەکەش ئەوەیە کە ڕووسیا هێرشە ئاسمانییەکانی زیاد کردووە.