کەسێک دەیەوێت خۆی بە کۆنسوڵخانەی ئێران لە پاریس بتەقێنێتەوە

ئاڤا نیوز

 

پۆلیسی پاریس گومانلێکراوێکی دەستگیر کردووە کە بە قایشێک تەقەمەنی و نارنجۆکێکەوە چووتە نێو کۆنسوڵخانەی ئێران و داوا لە فەرمانبەران کراوە باڵەخانەکە چۆڵ بکەن.

 

چیرۆکە سەرەکییەکە: پیاوێک هەڕەشەی ئەوە دەکات کە خۆی لە کۆنسوڵخانەی ئێران لە پاریس بتەقێنێتەوە، پۆلیسی شارەکەش دەوروبەری کۆنسوڵخانەکەیان گرتووە کە تەنیا نزیکەی سێ کیلۆمەتر لە بورجی ئیڤڵەوە دوورە. 

 

لێدوانی فەرمی: پۆلیسی شاری پاریس ڕایگەیاند: "کەسێکمان دەستگیرکردووە کە بە قایشێک تەقەمەنی و نارنجۆکێکەوە چووتە نێو باڵەخانەی کۆنسوڵخانەکە و بە دەستی بەتاڵ هاتووەتە دەرەوە".

 

زانیاریی زیاتر: لەژێر مەترسی ئەوەی گومانلێکراوەکە تەقەمەنییەکانی لە ژوورەوە جێهێشتبێت، پۆلیس داوای لە فەرمانبەرانی کۆنسوڵخانەکە کردووە بە زووترین کات باڵەخانەکە چۆڵ بکەن.