زێلێنسکی: دڵنیانین لەوەی هاوپەیمانی ناتۆ بین

ئاڤا نیوز  

ئۆکراینا گلەیی و گازندەی خۆی ئاڕاستەی وڵاتانی ناتۆ کرد، ئۆکراینییەکان تاوەکو ئێستا گومانیان لە هاوپەیمانییان لەگەڵ ناتۆ هەیە.

چیرۆکی سەرەكی: دوا نیوەڕۆی ئەمڕۆ ڤلادیمێر زێلێنسکی، سەرۆکی ئۆکراینا لە کۆنفرانسێکی ڤیدیۆیی لەگەڵ ئەندامانی ناتۆ، داوای لە وڵاتانی ناتۆ کرد پرسی هاوکاری کردنی ئۆکراینا یەکلابکەنەوە و بە رژدی وەری بگرن. 

لێدوانی فەرمی:ڤلادیمێر زێلێنسکی ڕایگەیاند: ''تاوەکو ئێستا دڵنیانین لەوەی ئێمە هاوپەیمانی ناتۆ بین، ئێوە دەبێت بڕیار بدەن کە ئاخۆ ئۆکراینا هاوپەیمانێکی تەواوی ناتۆیە یاخود نا، دەبێت بە هەموو تواناتانەوە هاوکارمان بن''.

لە لایەکی دیکەوە: هێزی ئاسمانی ڕووسیا هێرشەکانیان بۆسەر ناوچەکانی ڕۆژهەڵاتی ئۆکراینا چڕتر کردووەتەوە، زێلێنسکیش ڕایگەیاندووە ناتوانن بەم شێوازە ڕووبەڕووی هێرشە ئاسمانییەکان ببنەوە.