دوای 10 ساڵ کچێک لە نایجیریا لەدەست بۆكۆحەرام ڕزگار دەكرێت

ئاڤا نیوز  

یەکێک لەو 276 قوتابییەی ساڵی 2014 لەلایەن بۆکۆ حەرامەوە لە نایجیریا ڕفێندران، ئەمڕۆ دوای 10 ساڵ ئازاد کرا.

چیرۆكی سەرەكی: لیدیا سیمۆن، ئەو کاتەی بۆکۆ حەرام ڕفاندوویانە تەمەنی تەنیا 15 ساڵ بوو، ئێستا  لیدیا خاوەنی سێ منداڵە و دووگیانە بە منداڵی چوارەم، کە سەرجەم منداڵەکان لە ماوەی ڕفاندنەكەیا بووە.

زانیاریی زیاتر: سوپای نایجیریا توانی ئەو کچە ڕفێنراوە كە لە قوتابخانەیەکی شاری چیبۆک ڕفێنرابوو ڕزگار بكات و گەڕاندرایەوە بۆ خێزانەکەی.

ژمارەکان وا دەڵێن: لە دوای ڕووداوەکەی قوتابخانەکەی شاری چیبۆک، 2190 قوتابی ڕفێنراون لە سەرانسەری نایجیریادا، 57 قوتابی ڕاستەوخۆ لە دوای ڕووداوەکەی چیبۆک ‌هەڵهاتن و ساڵی 2018 حکومەتی نایجیریا توانی 82 قوتابی بە پێدانی پارە ئازاد بکات.

 
ئەوەی پێویستە بیزانیت: ڕفاندنی قوتابیانی قوتابخانەکەی شاری چیبۆک، دەستپێکی ڕفاندنە گەورەکانی قوتابخانەکان بوو لە نایجیریا، لیدیا لەو ساتەدا لە قوتابخانە گەڕاوەتەوە چەكدارانی بۆکۆ حەرام ڕفاندوویانە، شەوی ڕابردوو دوای 10 ساڵ ئازادكرا.