ئۆکراینا هاوپەیمانێکی دیکەی دەستکەوت

ئاڤا نیوز

 

کۆریای باشوور ڕێککەوتنێکی لە چوارچێوەی هاوکاری ئابووری لەگەڵ کیێڤ واژۆ کردووە و چەندین قەرزیش دەداتە ئۆکراینا. 

 

ڕێککەوتنەکە بەمشێوەیەیە: کۆریای باشوور گرێبەستێکی نوێی لەگەڵ ئۆکرانیا واژۆ کردووە، کە ڕێگە خۆش دەکات کۆریای باشوور بڕی 2.1 ملیار دۆلار وەکو قەرزی بێ سوود بدات بە ئۆکراینا، ئەم ڕێککەوتنەش تاوەکو ناوەڕاستی ساڵی 2025 بەردەوام دەبێت. 

 

لێدوانی فەرمی: چۆی سانگ مۆک، وەزیری دارایی کۆریای باشوور گوتی: "ڕێککەوتنەکە زیاتر بۆ پرسی بووژانەوەی شار و شارۆچکەکانی ئۆکراینایە کە بەهۆی شەڕەوە وێران بوونە".

 

لەلایەکی دیکەوە: ئەمریکا ڕەزامەندی دەربڕی لەوەی 61 ملیار دۆلار بۆ هاوکاریکردنی ئۆکراینا بنێرێت، ئەڵمانیاش بەڵێنی داوە تانک و سیستەمی بەرگریی ئاسمانی زیاتر بۆ وڵاتەکە دابین بکات.