بەهۆی پێکدادانی دوو هێلیکۆپتەر 10 کەس گیانیان لەدەست دا

ئاڤا نیوز

 

لە مالیزیا بەهۆی پێکدادانی دوو هێلیکۆپتەری سەربازی لە کاتی نمایشێکدا 10 کەس گیانیان لەدەست دا.

 

ڕاگەیێنراوی فەرمی: هێزی دەریایی مالیزیا ڕایگەیاند، پێکدادانی دوو هێلیکۆپتەرەکە لە کاتی فڕین و نمایشی هێزی دەریایی شاهانەی مالیزیا بووە، تیمی هەردوو هێلیکۆپتەرەکە کە ژمارەیان 10 کەس بووە، گیانیان لەدەست داوە.

 

زانیاریی زیاتر: ڕووداوەکە لە بنکەی دەریایی لوموت ویلایەتی پێراکی ڕۆژئاوا ڕووی داوە، سەرجەم قوربانییەکان هەر لە شوێنی ڕووداوەکە گیانیان لەدەست داوە، پێش ئەوەی ڕەوانەی نەخۆشخانەی بکرێن.

 

ئەوەی پێویستە بیزانیت: بەپێی میدیا ناوخۆییەکانی ئەو وڵاتە، ڕووداوەکە لە کاتی مەشق و ڕاهێنان بۆ نمایشێکی  سەربازی ڕووی داوە، کە بۆ ڕێزلێنان لە 90 ساڵەی دامەزراندنی هێزی دەریایی شاهانەی مالیزیا ڕێکخرابوو.