سەرکردەیەکی سوننە: تا ئێستا هیچ بەربژێرێک بۆ سەرۆکی پەرلەمان نییە

ئاڤا نیوز

سەرکردەیەی سوننەکانی عێراق ڕایگەیاند، تا ئێستا رێککەوتن لەسەر هیچ کەسێک نەکراوە بۆ وەرگرتنی پۆستی سەرۆکی پەرلەمانی عێراق، پێشی وایە مافەکانی سوننە پێشێلکراون.

وێنە گەورەکە: زیاتر لە پێنج مانگە بەهۆی بڕیارێکی دادگەی فیدراڵی عێراق و لەسەر سکاڵای پەرلەمانتارێک، محەممەد حەلبووسی لە پۆستی سەرۆکی پەرلەمان دوورخراوەتەوە، سەرەڕای دوو دانیشتنی پەرلەمانی عێراق تا ئێستا هیچ کەسێک لە ناو سووننەکان دیارینەکراوە بۆ ئەوەی ببێتە سەرۆکی پەرلەمان.

لێدوانی فەرمی: محەمەد عەلەوی، سەرکردە لە هاوپەیمانی تەقەدووم، بۆ ئاڤا نیوز گوتی: "تا ئێستا هیچ رێککەوتنێک لەسەر هیچ کەسایەتییەک نەکراوە بۆ پۆستی سەرۆکی پەرلەمان، هەرچەندە چەندین هەوڵ هەیە بۆ ڕێکخستنەوەی نێوماڵی سووننەکان".

زانیاریی زیاتر: "سوننەکان لە عێراقدا مافیان خوراوە و ئەو بەڵێنانەی لە کاتی پێکهێنانی کابینەی حکومەتدا پێیان درا جێبەجێ نەکراون". محەممەد عەلەوی وای گوت.