حیزبوڵای لوبنان بۆ دووەم جار وەڵامی هێرشەكەی ئیسرائیل دەداتەوە

ئاڤا نیوز 

 

كەمێك پێش ئێستا؛ حیزبوڵای لوبنان وەڵامی هێرشەكەی بەرەبەیانی ئەمڕۆی ئیسرائیلی دایەوە و دەیان مووشەكی ئاراستەی ناوچەی شومێرا كرد.

 

چیرۆكی سەرەكی: درەنگانی شەوی ڕابردوو، حیزبوڵای لوبنان دەیان مووشەكی ئاراستەی ناوچەی هیرات لە ئیسرائیل كرد، بەرەبەیانی ئەمڕۆش ئیسرائیل وەڵامی هێرشەكەی دایەوە و شوێنی هەڵدانی مووشەكەكانی بۆردوومان كرد، کەمێک پێش ئێستاش حیزبوڵا دەیان مووشەكی دیكەی دووبارە ئاراستەی خاكی ئیسرائیل كردەوە.

 

ئەوەی پێویستە بیزانیت: دەیان مووشەكی حیزبوڵا بەرەو ناوچەی شومێرا هەڵدراون، ئێستا لەناو خاكی ئیسرائیل سیستمی دژەمووشەک و زەنگی ئاگاداركردنەوە لێدەدات و مووشەكەكان دەخرێنە خوارەوە.

 

زانیاریی زیاتر: تا ئێستا سەرەڕای هەرسێ هێرشەکەی ئەمشەوی حیزبوڵا و ئیسرائیل، زیانە گیانییەکان دیار نین، بەڵام هەردوولا دەڵێن زیانی ماددی هەیە.