ئێران: داوای ئەرژەنتین بۆ دەستگیرکردنی وەزیری ناوخۆ نایاساییە

ئاڤا نیوز

 

ئێران کاردانەوەی بەرامبەر بە داوای ئەرژەنتین بۆ دەستگیرکردنی وەزیری ناوخۆ لەلایەن پۆلیسی نێودەوڵەتییەوە نیشان دا و ڕایگەیاند، داواکە نایاساییە. 

 

لێدوانی فەرمی: ناسر کەنعانی، گوتەبێژی وەزارەتی دەرەوەی ئێران ڕایگەیاند: "بە تووندی ئیدانەی دووبارەکردنەوەی ئەو داوا نایاساییە دەکەین کە لەسەر بنەمای درۆ لەلایەن هەندێک دادوەری ئەرژەنتینییەوە سەبارەت بە هاووڵاتیانی ئێرانی هەیە".

 

زانیاریی زیاتر: ئەو وڵاتە ئێران بە ئەنجامدانی تەقینەوەی ناوەندێکی جووەکان لە بۆینس ئایرس لە ساڵی 1994 تۆمەتبار دەکات، کە بەهۆیەوە 85 کەس کوژران؛ ئێران ئەو تۆمەتانەی ڕەت کردووەتەوە.