ئەفغانستان سێ وڵاتی دراوسێی بە پاڵپشتی داعش تۆمەتبار دەكات

 ئاڤا نیوز

ئەفغانستان سێ وڵاتی دراوسێی بە پاڵپشتیکردنی داعش و هاندان بۆ ناسەقامگیرکردنی ئەفغانستان و ناوچەکە تۆمەتبار دەکات.

لێدوانی فەرمی: ئەمیرخان موتەقی، وەزیری دەرەوەی ئەفغانستان ڕایگەیاند: سێ وڵاتی دراوسێ پاڵپشتیی لە داعش دەکەن، یەکێکیان ‌هێزی مرۆیی بۆ پەیدا دەکات، یەکێکیان ڕێگەی تێپەڕین بۆ چەکدارانی داعش خۆش دەکات و ئەوی دیکەشیان بودجەی بۆ دابین دەکات.

زانیاریی زیاتر: "داعش لە ئەفغانستان بوونی نییە، لە هەر 10 ڕووداوی ئاسایشیی ساڵی ڕابردووی ئەفغانستان هەشت ڕووداویان لەلایەن کەسانی دەرەوەی ئەفغانستانەوە ئەنجام دراوە". ئەمیرخان موتەقی وای گوت.

ئەوەی پێویستە بیزانیت: بەرپرسانی تاڵیبان ئەمە دەکەنە بەڵگە بۆ ئەوەی کە خەڵکی ناوخۆی ئەفغانستان لەگەڵ تاڵیباندا کێشەیان نییە.

 
ئەمەش بزانە: هەرچەندە وەزیری دەرەوەی ئەفغانستان ناوی هیچ وڵاتێکی نەبرد، بەڵام پێدەچێت مەبەستی تاجیکستان، ئێران و پاکستان بێت.