بەریتانیا دەیەوێت ڕکابەری چین و ڕووسیا بکات

ئاڤا نیوز

 

بەریتانیا دەیەوێت جۆرێکی نوێی مووشەکی هایبەر سۆنک بەرهەم بهێنێت، بۆ ئەوەی ڕکابەری مووشەکەکانی چین و ڕووسیا بکات.

 

وێنە گەورەکە: وەزارەتی بەرگریی بەریتانیا بڕیاریداوە، مووشەکێک بە تەکنەلۆژیای هایپەرسۆنیک بەرهەم بهێنێت، وەزارەتەکە ڕایگەیاندووە کە لە ساڵی 2030 مووشەکەکە بەرهەم دەهێنرێت.

 

زانیاریی زیاتر: مووشەکی هاپیەرسۆنیک، خێراییەکەی چوار هێندەی خێرایی دەنگە، بەڵام بەریتانیا دەیەوێت جۆرێک بەرهەم بهێنێت، کە پێنج هێندەی خێرایی دەنگ بێت.

 

لە لایەکی دیکەوە: ئەمریکا، چین و ڕووسیا، خاوەنی بەهێزترین مووشەکی هایپەرسۆنیکن، بەڵام ڕووسیا چەند جارێک ڕایگەیاندووە، مۆسکۆ خاوەنی بەهێزترین مووشەکی لەو جۆرەیە.

 

گۆشەیەکی دیکەی دیمەنەکە: ریشی سوناک، سەرۆکوەزیرانی بەریتانیا ڕایگەیاندووە، بە نیازە 2.5%ـی داهاتی ناوخۆی وڵاتەکە،بۆ کەرتی بەرگری و سەربازی بەکار بهێنێت.