مۆسکۆ: نیشتمانی ئێمە بۆ فرۆشتن نییە

ئاڤا نیوز

 

وەزارەتی دەرەوەی ڕووسیا ڕایدەگەیێنێت، ڕێگە بە وڵاتانی ڕۆژئاوا نادەنپارە بلۆککراوەکانی ڕووسیا وەک کارتی گوشار بەکار بهێنن.

 

وێنە گەورەکە: وڵاتانی ڕۆژئاوا پارەکانی ڕووسیایان لە بانکەکانیاندا سڕ کردووە، ڕووسیا ئاماژە بەوە دەکات، وڵاتانی ڕۆژئاوا دەیانەوێت ئەو پارەیە وەک کارتێکی گوشار دژی ڕووسیا بەکار بهێنن.

 

ڕاگەیێنراوی فەرمی: ماریا زاخارۆڤا، گوتەبێژی وەزارەتی دەرەوەی ڕووسیا گوتی: "وڵاتانی ڕۆژئاوا دەیانەوێت ئەو سەروەت و سامانەی دەستیان بەسەردا گرتووە، لە بەرامبەر پێدانەوەی خاکەکەی ڕووسیا ئاڵوگۆڕ بکەن، بەڵام نیشتمانی ئێمە بۆ فرۆشتن نییە".

 

زانیاریی زیاتر: بەرپرسانی سەربازیی ئەڵمانیا پێشنیازی ئەوەیان کردووە، پێدانەوەی پارەکانی ڕووسیا بکرێت بە مەرج بۆ پێدانەوەی ئەو ناوچە ئۆکراینییانەی ڕووسیا دەستی بەسەردا گرتوون.

 

ژمارەکان وادەڵێن: بڕی 300 ملیار دۆلاری ڕووسیا لە بانکەکانی وڵاتانی ڕۆژئاوا سڕ کراوە، لەو بڕەیەش شەش ملیار دۆلاری لە بانکەکانی ئەمریکایە.