وەزیری دارایی: لەم کابینەیە کاری باش بۆ بەهێزکردنی ژێرخانی بانکەکان کراوە

ئاڤا نیوز

 

وەزیری دارایی حکومەتی هەرێمی کوردستان ڕایدەگەیێنێت، لەم کابینەیە کاری باش بۆ بەهێزکردنی ژێرخانی بانکەکان کراوە.

 

چیرۆکی سەرەکی: ڕۆژی 29-4-2024 ئاوات شێخ جەناب، وەزیری دارایی هەرێمی کوردستان لە دیوانی وەزارەت لەگەڵ بەڕێوەبەری سەرجەم بانکە پسپۆڕییەکانی سەر بە وەزارەت کۆبووەوە.

 

ڕاگەیێنراوی فەرمی: "لە کۆبوونەوەکە گفتوگۆ لەسەر ڕێکخستنەوە و بەرەوپێشبردنی کاری بانکە پسپۆرییەکان کرا، وەزیری دارایی داوای کرد کارئاسانیی تەواو بۆ مامەڵەی ئەو هاووڵاتیانە بکەن کە قەرز و پێشینەیان وەرگرتووە".

 

زانیاریی زیاتر: ئاوات شێخ جەناب ئاماژەی بەوەش کرد، سەرەڕای قەیران و کێشەکان، لەم کابینەیە توانراوە کاری باش بۆ بەرەوپێشبردنی ژێرخانی بانکەکان بکەن و لە داهاتووشدا بە پلان و بەرنامەی گونجاو کارەکانیان باشتر ڕێک دەخەنەوە.