بۆ هەناردەکردنەوەی نەوتی هەرێمی کوردستان لیژنەیەک لەلایەن عێراقەوە پێکهێنراوە

ئاڤا نیوز 

لیژنەیەک لە لایەن ئەنجوومەنی وەزیرانی عێراق بۆ دەستپێکردنەوەی هەناردەی نەوتی هەرێمی کوردستان پێکهێنراوە، گوتەبێژی سەرۆكایەتی هەرێمی كوردستان دەڵێت "شێوازی دەکردنی نەوت لە کێڵگەکانی کوردستان و عێراق جیاوازە".

لێدوانی فەرمی: دڵشاد شەهاب، گوتەبێژی سەرۆکایەتی هەرێمی کوردستان بە کوردستان حەسەن پەیامنێری دیپلۆماسی ئاڤا نیوزی گوت: لیژنەیەکی تایبەتمەند کە جێگری سەرۆکوەزیران خۆی سەرپەرشتی دەکات لە وەزیرە پەیوەندارەکان و ئەنجوومەنی وەزیرانی عێراق پێکهێنراون لەبارەی هەناردەکردنەوەی نەوتی هەرێمی کوردستان.

زانیاریی زیاتر: شێوازی دەکردنی نەوت لە کێڵگەکانی کوردستان و عێراق جیاوازە، کێڵگەکانی عێراق تەنها تێچوویەکی بچووکی تەکنیکییان هەیە، بەڵام هەرێمی کوردستان کۆمپانیاکان وەبەرهێنانیان کردووە و حکومەتی هەرێم گرێبەستی هاوبەشی لەگەڵ ئەو کۆمپانیانە هەیە.

باکگراوند: ڕۆژی 25ـی ئاداری 2023 بە بڕیاری دادگەی ناوبژیوانیی پاریس، هەناردەی نەوتی هەرێمی کوردستان ڕاگیرا.

بۆچی گرنگە: دەستپێکردنەوەی هەناردەکردنی نەوتی هەرێمی کوردستان، کاریگەریی ئەرێنی لەسەر بووژانەوەی ئابووریی هەرێمی کوردستان دەبێت، چونکە نەوت سەرچاوەی سەرەکی داهتەکەیەتی، هەروەها کاریگەری لەسەر بووژانەوەی ئابووریی عێراقیش دەبێت.