دانەغاز بۆ ئاڤا نیوز: لە کۆرمۆر بەرهەمهێنانەوەی غاز ئاسایی بووەوە

ئاڤا نیوز

 

دۆخی كێڵگەی كۆرمۆر ئاسایی بووەتەوە و بەرهەمهێنانەوەی غاز دەستی پێ کردووەتەوە.

 

وێنە گەورەکە: کاتژمێر 06:45 خولەکی ئێوارەی هەینی 26-04-2024، یەکێک لە کۆگاکانی هەڵگرتنی غازی شل لە کێلگەی کۆرمۆر بە درۆن کرایە ئامانج و بە هۆیەوە چوار کارمەند گیانیان لەدەست دا و هەشت کەسی دیکەش بریندار بوون.

 

چیرۆکی سەرەکی: بەهۆی هێرشی درۆنییەوە شەش ڕۆژە بەرهەمهێنانی غاز لە كێڵگەی نەوتی كۆرمۆر ڕاگیراوە، ئەمڕۆ چوارشەممە بەرهەمێنانەوەی غاز دەستی پێ كردەوە و بڕیارە غاز بۆ یەكە غازییەكانی وەزارەتی كارەبا بنێردرێت.

 

لێدوانی فەرمی: سەرچاوەیەكی باڵا لە كۆمپانیای دانەغاز بە ئاڤا نیوزی گوت: "هەموو شتێك لە كێڵگەكە ئاسایی بووەتەوە و بەرهەمهێنان دەستی پێ كردووەتەوە، بەرەو ئاستی پێشووتر دەڕۆین لە بەرهەمهێناندا".