بەریتانیا پلانی ناردنی کۆچبەران بۆ ڕواندا جێبەجێ دەکات

ئاڤا نیوز

 

حکومەتی بەریتانیا دەستگیرکردنی ژمارەیەک کۆچبەری بە مەبەستی ناردنیان بۆ ڕواندا پشتڕاستکردەوە، کۆچبەرەکان لە ڕۆژانی ڕابردوودا دەستگیرکرابوون.

 

ڕاگەیێنراوی فەرمی: وەزارەتی ناوخۆی بەریتانیا ڕایگەیاند: "ژمارەیەک ئۆپەراسیۆن لە سەرتاسەری وڵات كراون. یەکەم کۆمەڵەی کۆچبەرانی نایاسایی کە دیاری کراون بۆ ڕواندا بنێردرێن، ئێستادا دەستگیر کراون.''

 

زانیاریی زیاتر: بڕیارە مانگی تەمووزی ئەمساڵ کۆچبەرەکان ڕەوانەی ڕواندا بکرێن و لەوێ نیشتەجێ بکرێن.

 

وێنە گەورەكە: دوای چەند مانگێک لە مشتومڕ، سەرئەنجام هەفتەی ڕابردوو پەرلەمانی بەریتانیا دەنگی لە سەر ئەوە دا، دەسەڵات بداتە حکومەتی ئەو وڵاتە تا بەشێک لە کۆچبەران بۆ ڕواندا بنێرێت.