لە عێراق دەست بە دابەشکردنی مووچەی خانەنشینان کرا

ئاڤا نیوز

 

وەزارەتی دارایی عێراق ڕایدەگەیێنێت، دەستیان بە دابەشکردنی مووچەی مانگی ئایاری خانەنشینانی شارستانی و سەربازی کردووە.

 

ڕاگەیێنراوی فەرمی: "دوای تەواوكردنی ڕێوشوێنەكانی دەستەی خانەنشینی نیشتمانی و هەردوو بانكی ڕەشید و ڕافیدەین، مووچە دەچێتە سەر هەژماری مووچەخۆران و دەتوانن لەڕێگەی ATM ـەوە مووچەکانیان وەربگرن". 

 

لەلایەکی دیکەوە: دابەشکردنی مووچە لەکاتێکدایە، ماوەی دوو هەفتەیە وەزارەتی دارایی هەرێمی کوردستان لیستی مووچەی ڕەوانەی بەغدا کردووە، بەڵام تاوەکو ئێستا پارەکە نەنێردراوە. 

 

ئەمەش بزانە: پێشتر خەلیل دۆسکی، ئەندامی ئەنجوومەنی نوێنەرانی عێراق بە ئاڤا نیوزی ڕاگەیاند: "پێشبینی دەکەم سەرەتای هەفتەی داهاتوو پارە بۆ هەرێمی کوردستان بنێردرێت".