زانکۆیەکی پاریس بەهۆی خۆپێشاندانی خوێندکاران دادەخرێت

ئاڤا نیوز

 

زانکۆی ساینس پۆ لە فەڕەنسا ڕایگەیاند، کەمپەسی پاریسی زانکۆکە لەبەر خۆپێشاندانی خوێندکاران دادەخات.

 

ڕاگەیێنراوی فەرمی: لە ڕاگەیێنراوێکی زانکۆکەدا هاتووە، "باڵەخانەکانی ناوەڕاستی پاریس بۆ ڕۆژی 3ـی ئایار دادەخرێن، داواتان لێدەکەین لە ماڵەوە لە کارکردن بەردەوام بن".

 

وێنە گەورەکە: خوێندکارانی ژمارەیەک زانکۆی فەڕەنسا بۆ دژایەتیکردنی شەڕی غەززە، دەربڕینی پشتیوانی بۆ فەلەستین و نیشاندانی هاوسۆزی بۆ خوێندکارانی خۆپێشاندەری زانکۆکانی ئەمریکا، خۆپێشاندانیان ئەنجام دا.

 

لەلایەکی دیکەوە: جگە لە ئەمریکا و فەڕەنسا، ئوسترالیا، کەنەدا، مەکسیک و چەند وڵاتێکی دیکەش خۆپێشاندانی هاوشێوە بەڕێوە دەچن.