چیک: ڕووسیا هێرشی ئەلکترۆنیی کردووەتە سەرمان

ئاڤا نیوز

 

چیک ڕایگەیاند، چەندین جار بووەتە ئامانجی هێرشە ئەلکترۆنییەکانی هاکەرە ڕووسییەکان.

 

لێدوانی فەرمی: وەزارەتی دەرەوەی چیک لە بەیاننامەیەکدا ڕایگەیاند، "چەند دامەزراوەیەکی چیک کراونەتە ئامانجی هێرشی ئەلکترۆنی". 

 

زانیاریی زیاتر: چیک ئاژانسی هەواڵگریی سەربازیی ڕووسیا تۆمەتبار دەکات بەوەی لە پشت ئەو گرووپانەوەیە کە هێرشە ئەلکترۆنییەکان ئەنجام دەدەن. 

 

لەلایەکی دیکەوە: ئەڵمانیا ڕایگەیاند ساڵی ڕابردوو ژمارەیەک هاکەر بە سپۆنسەری ڕووسیا هێرشیان کردووەتە سەر ئەندامانی باڵای پارتی سۆسیال دیموکراتی ئەو وڵاتە.

 

ئەوەی پێویستە بیزانیت: ئەڵمانیا بۆ گەیاندنی ناڕەزایی، باڵیۆزی ڕووسیای لە وڵاتەکەی بانگهێشت کردووە.