نزیکەی 65 هەزار کەس لە عێراق لە ناوەندەكانی نەهێشتنی نەخوێندەواریدان

ئاڤا نیوز 

ژمارەی ئەو کەسانەی لە قوتابخانەکانی نەهێشتنی نەخوێندەواری لە عێراق دەخوێنن، 64 هەزار 872 کەسن.

وێنە گەورەکە: لە عێراق لە پاڵ قوتابخانە فەرمییەکان ناوەندی فێرکاری خوێندن و نووسین هەیە و بەشێکی زۆری ژنان و پیاوان بەشدارن تێیدا، ئێستا تاقیکردنەوەی ئەو ناوەندانە لە بەغدا و سەرجەم پارێزگاکانی دیکە دەستیپێکردووە.

ڕاگەیێنراوی فەرمی: هەزار و 236 ناوەندی نەهێشتنی نەخوێندەواری لە عێراقدا هەن، دوای تەواوبوونی تاقیکردنەوەکان ڕێژەی ڕاستەقینەی بەشداربووان دەردەكەوێت. موئەیەد خوزەیر، گوتەبێژی دەستەی جێبەجێکاری ناوەندەکانی نە‌هێشتنی نەخوێندەواری وای گوتووە.

زانیاریی زیاتر: هاوکات لەگەڵ تاقیکردنەوەی ناوەندەکانی نەهێشتنی نەخوێندەواری، تاقیکردنەوەی قوتابخانەکانی خوێندنی خێرا بەڕێوەدەچێت کە 36 هەزار قوتابی لەخۆ دەگرێت.