دوای بەتاوین سێ هەڵمەتی دیکە لە بەغدا دەکرێت

ئاڤا نیوز

 

وەزارەتی ناوخۆی عێراقی دوای ناوچەی بەتاوین سێ هەڵمەتی ئەمنیی دیکە لە ناوچەکانی بەغدا بۆ دەستگیرکردنی سەرپێچیکاران دەکات.

 

وێنە گەورەکە: لە ڕۆژی 26 مانگی ڕابردوو گەورەترین هەڵمەت بۆ دەستگیرکردنی داواکراوان و سەرپێچیکاران لە شەقام و کۆڵانەکانی بەتاوین لە سەنتەری بەغدا دەستیپێکرد و زیاتر لە 600 تۆمەتبار دەستگیرکران.

 

ڕاگەیێنراوەی فەرمی: سەرچاوەیەکی ئەمنی بە میدیای عێراقیی ڕاگەیاندووە، هەڵمەتێکی دیکەی ئەمنی لە ناوچەکانی، سەبع قسوور، ئەلشەعب و گەڕەکی بەساتین لە بەغدا بۆ دەستگیرکردنی سەرپێچیکارانی یاسا بەڕێوەدەچێت.

 

زانیاریی زیاتر: وەزیری ناوخۆ سەرپەرشتیی هەڵمەتەکەدا دەکات کە تێیدا بازرگانانی ماددە هۆشبەرەکان، باندی بازرگانی بە مرۆڤ، بارەگەکانی کاری لەشفرۆشی و سەرپێچیکارانی مەرجەکانی نیشتەجێبوون دەستگیر دەکرێن.