بە هۆی گۆڕانكاری كەش و هەوا لە عێراق زیاتر لە 100 هەزار كەس ئاوارەبوون

ئاڤا نیوز

سەرۆکی سەنتەری ستراتیژی بۆ مافەکانی مرۆڤ لە عێراق ڕایگەیاند، بەهۆی کاریگەرییەکانی گۆڕانکاری کەشووهەوا زیاتر لە 100 هەزار کەس لە ماوەی هەشت ساڵدا ئاوارەبوون.

وێنە گەورەكە: عێراق یەکێکە لەو پێنج وڵاتەی جیهان گۆڕانکاری کەش وهەوا زۆرترین کاریگەری هەیە لەسەری، بەو هۆیەوە پلەکانی گەرما بەرز دەبنەوە،  باران بەپێی پێویست نابارێت.

لێدوانی فەرمی: فازڵ غەراوی، سەرۆکی سەنتەری ستراتیژی بۆ مافەکانی مرۆڤ لە عێراق ڕایگەیاند: ئەوەی قەیرانەکە قوڵتر دەکاتەوە،  سیاسەتەکانی ئاوی وڵاتانی دراوسێیە کە بووەتە هۆی کەمبوونەوەی سەرچاوە گرنگەکانی ئاو، لە کاتێکدا گەشەی خێرای دانیشتووان و شارنشینی و  خراپ بەکارهێنانی ئاو لە کەرتی کشتوکاڵ و پیشەسازیدا پاڵنەربوون بۆ ئەوەی خواست لەسەر ئاو زیاتربێت.

هۆكارە زانراوەكان: بەپێی ڕاپۆرتی ڕێکخراوی کۆچی نێودەوڵەتی، هۆکارەکانی ئاوارەبوونی ژینگەیی دەگەڕێتەوە بۆ ڕووداوە ژینگەییەکان و دەستڕانەگەیشتن  بە خزمەتگوزاری، ژێرخانی ئابووری، ئاو و بژێوی ژیان.

ئەوەی پێویستە بیزانیت: پارێزگاکانی لە میسان، بەسرە، زیقار،  واست زۆرترین دانیشتووانی بەهۆی کاریگەرییەکانی گۆڕانکاری کەشووهەوا ئاوارەبوون.