عێراق و تورکیا پێدەنێنە قۆناغێکی نوێی پەیوەندییەکانیان

ئاڤا نیوز

دوای سەردانەکەی ئەردۆغان بۆ عێراق و واژۆکردنی چەندین یاداشتنامەی هاوبەش، وەزیری بازرگانی عێراق دەڵێت، "پەیوەندییەکانی هەردوو وڵات بەرەو قۆناغی نوێ دەچێت".

لێدوانی فەرمی: ئەسیر ئەلغەریری، وەزیری بازرگانی عێراق ڕایگەیاند، "یاداشتنامەکانی لێکتێگەیشتنی بواری؛ تەندروستی، ئاوەدانی، پلاندانان و وەبەرهێنانی نێوان وڵاتی عێراق و تورکیا جیاوازە لەگەڵ ئەوانی پێشوو".

زانیاریی زیاتر: وەزیری بازرگانی، ئەوەشی ڕاگەیاند، "زۆرێک لە بەربەستەکانی بازرگانی نێوان هەردوو وڵات هەڵگیراون و لیژنە هاوبەشەکان لە کەرتی گشتی و تایبەت پێکهاتوون".

ئەوەی پێویستە بیزانیت: قەبارەی بازرگانی نێوان وڵاتی عێراق و تورکیا گەیشتووەتە نزیکەی 20 ملیار دۆلاری ساڵانە.

وێنە گەورەکە: مانگی ڕابردوو سەرۆکی تورکیا بە یاوەری شاندێکی باڵا سەردانی بەغدا و هەولێری کرد، 26 ڕێکەوتن و یاداشتی هاوبەش لە نێوان عێراق و تورکیا واژۆ کران.