لیژنەی دارایی: لە 72 کاتژمێری داهاتوودا خشتەی بودجە دەگاتە پەرلەمان

ئاڤا نیوز

 

ئەندامێكی لیژنەی دارایی پەرلەمانی عێراق ئاشکرای دەکات، لە 72 کاتژمێری داهاتوودا خشتەی بودجەی 2024 دەگاتە پەرلەمان.

 

لێدوانی فەرمی: ئەحمەد مەزهەر جبوری، ئەندامی لیژنەی دارایی پەرلەمانی عێراق ڕایگەیاند: "تاوەکو ئێستا حکومەت خشتەی بودجەی ڕەوانەی پەرلەمان نەکردووە و لیژنەکەیان لەئامادەباشی دایە".

 

زانیاریی زیاتر: پەرلەمان پشووی هاوینەی دوا دەخات بۆ گفتوگۆکردن لەسەر خشتەی بودجە و پەیوەندی بە حکومەتەوە کردووە، بڕیارە لە 72 کاتژمێری داهاتوودا ڕەوانەی پەرلەمانی بکەن.

 

ئەوەی پێویستە بیزانیت: لیژنەی دارایی نزیکەی 20 ڕۆژی پێویستە بۆ گفتوگۆکردن و یەکلاییکردنەوەی خشتەی بودجە.

 

لەلایەکی دیکەوە: محەممەد نوری، ئەندامی لیژنەی دارایی پەرلەمان ڕایگەیاند، دواکەوتنی ناردنی خشتەی بودجەی 2024 بۆ پەرلەمان لەلایەن حکومەتەوە هۆکارەکەی ئەوەیە زیاتر لە 80 تریلیۆن کورتهێنان هەیە.