تورکیا نرخی مارەبڕین لەسەر کۆچبەران زیاد دەکات

ئاڤا نیوز

 

نرخی ئەمساڵی مارەبڕین لەلایەن شارەوانیی ئەنقەرە بە 400 لیرە کە دەکاتە نزیکەی 16 هەزار و 250 دیناری عێراقی دەستنیشان كراوە، بەڵام بۆ کۆچبەران نرخەکە 25 هێندە زیادیکراوە.

 

وێنە گەورەکە: بریارەکە لەلایەن شارەوانیی ئافیۆنەوە دەرکراوە، نرخەکەی بۆ کۆچبەران لە 705 لیرەوە بۆ 15 هەزار لیرە بەرزکرایەوە.

 

لێدوانی فەرمی: بورجو كۆكسال،  سەرۆكی شارەوانیی ئافیۆن دەڵێت: "میوانداری کاتی هەیە، ئەم میوانداریکردنەی ئەوان زۆر درێژەی کێشا، ئیدی خەریکە ئەوان دەبنە خاوەن ماڵ"

 

لەلایەکی دیکەوە: مەحموود ئەمین بیرلیکتیر، ئەندامی ئەنجوومەنی شارەوانیی کاردانەوەی بەرامبەر قسەکانی کۆکسالی نیشان دا و گوتی، "هێشتا وەک میوان دەیانبینم، دەمەوێت بەردەوام بن لێرە، من دژی زیادکردنەکە دەوەستم".