هاکان فیدان: لە پرسی پەکەکە سازش ناکەین

ئاڤا نیوز

 

هاکان فیدان، وەزیری دەرەوەی تورکیا چارەسەری دوو دەوڵەتی بۆ فەڵەستین بە پێویست دەزانێت و بۆ پرسی پەکەکەش دەڵێت: "هیچ سازشێکمان لەسەر ئەم بابەتە نییە".

 

وێنە گەورەکە: هاکان فیدان، وەزیری دەرەوەی تورکیا لە چاوپێکەوتنێکی تایبەت لەگەڵ کەناڵی عەرەبیە باسی "لە چارەسەری دوو دەوڵەت" و گەڕانەوەی ئیسرائیل بۆ سنوورەکانی ساڵی 1967کرد. 

 

لێدوانی فەرمی: هاکان فیدان لە بارەی پرسی پەکەکە گوتی:"تورکیا ڕژدە لەسەر بەرەنگاربوونەوەی تیرۆر لە سووریا و عێراق، بۆ ئەمەش هیچ سازشێک ناکات".

 

لەلایەکی دیکەوە: بە گووتەی فیدان، ئەگەری هەیە گرژییەکانی نێوان ئیسرائیل و ئێران بەرەو شەڕێکی گەورەتر تەشەنە بسەنێت، هەرچەندە پێدەچێت دۆخەکە بۆ ئێستا ئارام بووبێتەوە، بەڵام ئەگەری شەڕ هەمیشە بوونی هەیە".