عێراق دەستیكرد بە كڕینی چەكی مامناوەند لە هاووڵاتیان

ئاڤا نیوز 

لیژنەی ڕێکخستن و دەستبەسەرداگرتنی چەک لە عێراق ڕایگەیاند، قۆناغی دووەم دەستیپێکردووە کە بریتیە لە کڕینی چەکی مامناوەند لە هاووڵاتییان.

ڕاگەیێنراوی فەرمی: زیاد قەیسی، گوتەبێژی لیژنەی ڕێکخستن و دەستبەسەرداگرتنی چەک ڕایگەیاند: "697 ناوەندی کڕینەوەی چەک دانراوە لە سەرجەم پارێزگاکان".

زانیاریی زیاتر: پرۆسەی دەسبەسەرداگرتنی چەک بە سێ قۆناغە تێدەپەڕێت، فۆڕمی تۆمارکردنی چەک لە لایەن هاووڵاتییانەوە پڕ دەکرێتەوە، کڕینی چەک لە قۆناغی دووەم و قۆناغی سێیەمیش پشکنین و وردبینی بۆ ئەو چەکانە دەکرێت.

ئەوەش بزانە: لە عێراق زیاتر لە حەوت ملیۆن چەکی سووک بەربڵاوە و زۆرێک لە خێڵەکانی عێراق چەکدارن.