پێنجشەممە مووچەی مانگی چواری لیوا هاوبەشەکان دابەش دەکرێت

 ئاڤا نیوز

 

ڕۆژی پێنجشەممە مووچەی مانگی چواری لیوا هاوبەشەکانی وەزارەتی پێشمەرگەی حكومەتی هەرێمی كوردستان دابەش دەكرێت.

لێدوانی فەرمی: سەرچاوەیەک لە وەزارەتی پێشمەرگە بە ئاڤا نیوزی گوت: ئەمڕۆ لیستی ناو و تەمویلی مووچەی مانگی چواری لیوا هاوبەشەکانی پێشمەرگه گەیشتە بانکەکان و ڕۆژی پێنجشەممە مووچەی مانگی مانگی چواری لیوا هاوبەشەکان دابەش دەکرێت.

زانیاریی زیاتر: دابەشکردنی مووچەی 18 لیوا هاوبەشەکانی پێشمەرگە لە چوارچێوەی ئەو 15 ملیۆن دۆلارەی وەزارەتی بەرگریی ئەمریکایە کە بۆ پێشمەرگە دەینێرێت، کە ژمارەیان نزیکەی 55 هەزار پێشمەرگەیە.

 

ئەوەی پێویستە بیزانیت: تائێستا عێراق مووچەی فەرمانبەرانی هەرێمی كوردستانی بۆ مانگی نیسان نەناردووە، هەرچەندە وەزارەتی دارایی عێراق ڕۆژی 21ـی نیسان دەستی بە دابەشکردنی مووچەی ئەو مانگەی مووچەخۆرانی خۆی کردووە.

گۆشەیەكی دیكە: ئاوات شێخ جەناب، وەزیری دارایی و ئابووریی هەرێمی کوردستان دوێنێ لە کۆنگرەیەکی ڕۆژنامەنووسیدا لەبارەی دواکەوتنی ناردنی مووچە لەلایەن بەغداوە گوتی: "هەموو ئەو هەنگاوانەی لەسەر هەرێمی کوردستان پێویست بوون، ئێمە جێبەجمان کردوون، هیچ ئاستەنگێک نەماوە".