ئاڵنگاریی گەورە لەبەردەم کەرتی بانکی لە عێراقدا هەیە

ئاڤا نیوز

پارێزگاری بانکی ناوەندی دەڵێت، دوای چەندین ساڵ هێشتا کەرتی بانکی لە عێراق کەموکورتیی زۆری هەیە.

وێنە گەورەکە: ئەمڕۆ دووشەممە و سبەینێ لە بەغدا کۆنگرەی "یەکێتیی بانکە عەرەبییەکان" بە سپۆنسەری بانکی ناوەندیی عێراق بەڕێوە دەچێت.

لێدوانە فەرمییەکان: لە میانەی کۆنفڕانسەکەدا عەلی عەلاق، پارێزگاری بانکی ناوەندیی عێراقی گوتی، "سەرەڕای پێشڤەچوونێکی باش، کەرتی بانکی لە عێراق کێشەی پابەندبوون بە پێوەر و مەرجە نێودەوڵەتییەکانی هەیە".

"نزیکەی نیوەی بانکە تایبەتەکانی عێراق بێبەش کراون لە مامەڵەکردن بە دۆلار، ئەمەش کاریگەرییەکی خراپی لەسەر خزمەتگوزاریی بانکی لە عێراق دروست کردووە". وەدیع حەنزەڵ، سەرۆکی کۆمەڵەی بانکە تایبەتەکانی عێراق وای گووت.

ئەوەی پێویستە بیزانیت: 27 بانکی عێراقی لە لایەن ئەمریکاوە بە تۆمەتی سپیکردنەوەی پارە و تێوەگلان لە گەندەڵی، سزادراون.