لە تورکیا کەنیسەیەک بۆ مزگەوت دەگۆڕدرێت

ئاڤا نیوز

سەرۆککۆماری تورکیا بەشداری ڕێوڕەسمی کردنەوەی مزگەوتێکی کرد، کە پێشووتر کلێسایەکی کۆنی ئۆرتۆدۆکسی بووە، یۆنانیش بۆ ئەمە ڕەخنە لە تورکیا دەگرێت.

 

وێنە گەورەکە: کڵێسای فریادڕەسی پیرۆز، کە بە "کەنیسەیەکی بێ بن" ناسراوە،  لە ساڵی 2020وە داخرا، ماوەی چوار ساڵە کاری تێدا دەکرێت بۆ ئەوەی بکرێتە مزگەوت، ئەمڕۆ لەلایەن ڕەجەب تەیب ئەردۆغان، سەرۆککۆماری تورکیا، بە فەرمی وەک مزگەوتی "خورا" کرایەوە. 

 

ئەوەی پێویستە بیزانیت: ئەمە دووەم کەنیسەیە بۆ مزگەوت بگۆڕدرێت، مزگەوتی "ئایە سۆفیا" لە ئیستەنبووڵ بە هەمان شێوە کەنیسەیەکی یۆنانی بووە، گۆڕدراوە بۆ مزگەوت.

 
لەلایەکی دیکەوە: ئەم کارە ڕەخنەی یۆنان و وڵاتانی دیکەی لێکەوتەوە، یۆنان ئەم کارە بە "بێڕێزی" ناوەدەبات و داوا لە تورکیا کراوە شوێنەوارە گرنگەکان بپارێزێت.

 

باکگرواند: مێژووی بیناکە بۆ سەدەی چوارەم دەگەڕێتەوە، لە سەردەمی حوکمی عوسمانیدا وەک مزگەوت بەکاردەهێنرا، پێش ئەوەی لە ساڵی 1945 بکرێتە مۆزەخانە.