بەریتانیا کۆچبەرانی عێراقی دەنێرێتەوە

ئاڤا نیوز

 

حكومەتی بەریتانیا و عێراق ڕێككەوتوون ئەو كۆچبەرە عێراقیانەی بە قاچاغ چوونەتە ئەو وڵاتە بگەڕێنرێنەوە بۆ عێراق، هەمان ئەو پلانەیە كە بۆ كۆچبەرانی دیكە هەیە و دەنێردرێن بۆ ڕواندا.

 

ڕاگەیێنراوی فەرمی: "ڕێككەوتنەكە لەسەر ئاستی باڵایە و تاڕادەیەكی زۆریش هەوڵەكان بۆ دەستپێكردنی پڕۆسەكە بەردەوامن." تۆڕی هەواڵی سكای نیوزی بەریتانی بڵاویکردووەتەوە.

 

ئەوەی پێویستە بیزانیت: تێچووی ناردنی هەر كۆچبەرێک بۆ ڕواندا ملیۆنێک پاوەندی تێدەچێت،  بۆ ناردنی 300 كۆچبەر بۆ ڕواندا بەریتانیا دەبێت 220 ملیۆن پاوەند بداتە ئەو وڵاتە.

 

ئەمەش بزانە: ئەو پارەیە بۆ ساڵی یەكەم بەمشێوەیە، بۆ ساڵی داهاتوو 50 ملیۆن پاوەند زیاد دەكات و ساڵی دواتریش 50 ملیۆن پاوەندی دیكە زیاد دەكات.