کۆشکی سپی هیواخوازە حەماس و ئیسرائیل ئەو کەلێنەی ماوەتەوە دایبخەن

ئاڤا نیوز

 

لە کاتێکدا جیهان چاوەڕوانی وەڵامی ئیسرائیلە بۆ ڕاگرتنی شەڕ لە غەززە، کۆشی سپی هیوا بۆ گەیشتن بە ڕێککەوتن دەخوازێت.

 

وێنە گەورەکە: کۆشکی سپی ڕایگەیاندووە، هیوادارە ئیسرائیل و حەماس بتوانن ئەو بۆشاییانەی کە ماونەتەوەلە دانووستانەکانیان بۆ ئاگربەست دایبخەن. 

 

ئەو مانایەی دەیگەیێنێت: کۆشکی سپی فشارەکانی بۆ نەتانیاهۆ بێ ئەنجام بووە، تەنیا هواخواستنی بەدەستەوە ماوە.

 

لێدوانی فەرمی: جۆن کیربی، گوتەبێژی ئەنجوومەنی ئاسایشی نیشتمانی دەڵێت: "ئەوەی لەلایەن هاوتا ئیسرائیلییەکانمانەوە پێمان گوتراوە ئەوەیە کە ئەم ئۆپەراسیۆنەی شەوی ڕابردوو سنووردار بووە و بۆ ئەوە دانراوە کە توانای حەماس لە قاچاخچێتیی چەک بۆ ناو غەززە ببڕێت".

 

ئەوەی ئێستا ڕوودەدات: دوای ڕازیبوونی حەماس و چڕبوونەوەی فشارەکان بۆ سەر ئیسرائیل، بەرەبەیانی ئەمڕۆ سێشەممە، ئیسرائیل ئۆپەراسیۆنی رەفەحی لە بەشی رۆژهەڵاتەوە دەست پێ کرد.