حکومەتی عێراق ئەمساڵ حەوت ملیۆن تۆن گەنمی جووتیاران وەردەگرێت

ئاڤا نیوز

 

وەزارەتی بازرگانیی عێراق لە ماوەی 20 ڕۆژدا 570 هەزار تۆن گەنمی جووتیارانی وەرگرتووە.

 

چیرۆکی سەرەکی: لە 11ـی مانگی ڕابردوو، وەزارەتی بازرگانیی عێراق دەستی بەبازاڕکردنی گەنمی جووتیاران کردووە و تاوەکو کۆتایی مانگی نیسان، زیاتر لە نیو ملیۆن تۆن گەنمی وەرگرتووە.

 

لێدوانی فەرمی: حەیدەر گەرعاوی، بەڕێوەبەری گشتیی کۆمپانیای بازرگانیی گەنم لە وەزارەتی بازرگانی ڕایگەیاند: "بەبازاڕکردنی گەنمی جووتیاران لە 12 پارێزگای عێراق دەستی پێ کردووە و شەش پارێزگای دیکە ئامادەن بۆ بەبازاڕکردنی گەنمەکانیان".

 

ئەوەی پێشبینی دەکرێت: ئەمساڵ وەزارەتی بازرگانی شەش بۆ حەوت ملیۆن تۆن گەنمی جووتیاران وەردەگرێت.