بەندیخانەکانی عێراق توانای لەخۆگرتنی تاوانبارانیان نەماوە

ئاڤا نیوز

 

لە هەڵمەتە ئەمنییەکانی وەزارەتی ناوخۆی عێراق، لە 12 ڕۆژی ڕابردوودا نزیکەی هەزار تۆمەتبار لە بەغدا دەستگیر کراون.

 

چیرۆکی سەرەکی: لە 12 ڕۆژی ڕابردوو، وەزارەتی ناوخۆی عێراق چەندین هەڵمەتی ئەمنی بۆ دەستگیرکردنی سەرپێچیکاران، بازرگانانی مرۆڤ و ماددە هۆشبەرەکان لە شاری بەغدا دەستپێکردووە.

 

ڕاگەیێنراوی فەرمی: وەزارەتی ناوخۆی عێراق ڕایگەیاند: "لە 24 کاتژمێری ڕابردوو، 107 تۆمەتبار لە ناوچە جیاجیاکانی بەغدا دەستگیر کراون کە زۆربەیان خەڵکی بیانین و مەرجی نیشتەجێبوونیان نەبووە".

 

گۆشەیەکی دیکەی دیمەنەکە: حکومەتی عێراق 30 گرتووخانەی هەیە کە 60 هەزار زیندانیکراوی تێدایە، ئەمەش بە ڕێژەی 300% زیاترە لە توانای حکومەت بۆ لەخۆگرتنی ئەو زیندانیانە.