بەهۆی هەڵاوسانەوە تورکیا باج لەسەر هاووڵاتیان زیاد دەکات

ئاڤا نیوز

 

ڕۆژ لە دوای رۆژ دۆخی ئابووریی تورکیا بەرەو دابەزین دەڕوات و هەڵاوسان بەرز دەبێتەوە؛ حکومەت بۆ کەمکردنەوەی ڕێژەی هەڵاوسان، قەرز دەکات و باجیش زیاد کردووە.

 

وێنە گەورەکە: سەڕەرای هەوڵەکانی حکومەت بۆ چارەسەرکردنی کێشەی ئابووری، بەڵام ڕۆژانە نرخی باج بەرز دەکرێتەوە.

 

ئەوەی ئێستا ڕوودەدات: نرخی کرێی خانوو، ئۆتۆمبێل و سەرجەم کاڵاکان بۆ سێ هێندە بەرزبووەتەوە.

 

زانیارییە بەدەستهاتووەکان: ئاڤا زانیویەتی، ڕێژەی هەڵاوسانی ئابووری زۆر بەرزترە لەوەی ئاشکرا دەکرێت. وەزارەتی دارایی تورکیا ڕێژەی هەڵاوسانی بە 60% دیاری کردووە، بەڵام ڕێژەکە چوار هێندەی ئەو ژمارەیەیە کە ڕاگەیێنراوە.

 

ئەوەی لەبارەیەوە دەگوترێت: لایەنە ئۆپۆزیسیۆنەکانی تورکیا پێیانوایە، حکومەتی تورکیا قەرزێکی زۆری لەسەرە و قەرزەکەش بە زیادکردنی باج لەسەر هاووڵاتیان دەداتەوە.