دەیان پڕۆژەیاسا لە پەرلەمانی عێراق کەڵەکە بوونە

ئاڤا نیوز

 

زیاتر لە 88 پڕۆژەیاسا لە لیژنەکانی پەرلەمانی عێراق هەنە و هێشتا دەنگیان لەسەر نەدراوە.

 

لێدوانی فەرمی: مورتەزا ساعدی، ئەندامی لیژنەی یاسایی لە پەرلەمانی عێراق ڕایگەیاند: "لیژنەی یاسایی بەردەوامە لە چاودێریکردنی یاسا و پێشنیازەکان، 15 پڕۆژەی سەرەکی هەن و لیژنەکەمان کار بۆ تەواوکردنی بڕگەکانی دەکات تاوەکو بۆ دەنگدان ئامادە بکرێن".

 

لەلایەکی دیکەوە: ئومێد محەممەد، ئەندامی پەرلەمانی عێراق لە مانگی ڕابردوو ڕایگەیاند: "150 پڕۆژەیاسا لە لیژنە هەمیشەییەکاندا هەن و بەشێکیان پێویستیان بە سازانی لایەنە سیاسییەکان هەیە بۆ دەنگدان".

 

وێنە گەورەکە: نۆی ئەم مانگە، خولی ئاسایی یاسادانان کۆتایی دێت و تاوەکو دوو مانگ دەبێتە پشوو، بۆیە پێدەچێت یەکلاکردنەوەی ئەو یاسایانە بۆ وەرزی نوێی یاسادانان دوابخرێت.