لافاوەکەی بەڕازیل زیانی بە هەزاران كەس گەیاندووە

ئاڤا نیوز

 

نزیكەی نیو ملیۆن هاووڵاتی لە بەڕازیل بەهۆی لافاوەوە ئاوارە بوون و 100 كەس گیانیان لەدەست داوە و 128 كەسیش بێسەروشوێنن.

 

وێنە گەورەكە: لە ویلایەتی ڕیۆگراندی بەڕازیل، 155 هەزار كەس بەهۆی باران و لافاوەوە ئاوارە بوون و هەزاران هاووڵاتیش پێویستیان بە هاوكاری سەرەتایی هەیە.

 

ڕاگەیێنراوی فەرمی: بەرگریی شارستانیی ناوخۆی بەرڕازیل ڕایگەیاند: بەشی فریاگوزاریی وڵاتەکە بۆ گواستنەوەی ئەو کەسانەی کە بەهۆی لافاوێکی وێرانکەرەوە گیریان خواردبوو، لە ڕۆژی سێشەممەوە لە سەرانسەری ویلایەتی ڕیۆگراندە دو سوول لە باشووری بەڕازیل دەستیان داوەتە هەڵمەتێکی چڕ و پڕ.

ئەوەی پێویستە بیزانیت: لافاوەکە بووەتە هۆی وێرانبوونی ڕێگەوبان و پردەکانی شارە جیاجیاکان و ئاستەنگی لە هەوڵەکانی ڕزگارکردن دروست کردووە.