پوتین: ڕێگە نادەین هیچ لایەنێک هەڕەشە لە ڕووسیا بکات

ئاڤا نیوز

 

بە بۆنەی سەركەوتنی ڕووسیا بەسەر ئەڵمانیا، لە گۆڕەپانی سوور لە مۆسكۆ نمایشێكی سەربازی بەڕێوە چوو، سەرۆكی ڕووسیا ڕایگەیاند، وڵاتەكەمان لە دۆخێكی خراپدایە.

 

وێنە گەوركە: 79 ساڵ پێش ئێستا، ڕووسیا لە شەڕێكی درێژخایەنی گەورەدا بەسەر ئەڵمانیا سەركەوت؛ ئەمڕۆش لە گۆڕەپانی سوور لە مۆسكۆ گەورەترین نمایشی سەربازی بەڕێوە چوو و پوتین لە بەردەم سوپاکەیدا گوتارێكی پێشكەش كرد.

 

لێدوانی فەرمی: ڤلادیمێر پوتین، سەرۆكی ڕووسیا گوتی: "ڕێگەنادەین هیچ لایەنێك هەڕەشە لە ڕووسیا بكات، ئێمە لە دۆخێكی سەختداین و ئایندەمان بەندە بەم دۆخەوە، هەموو هەوڵێکیش دەدەین بۆ ئەوەی هیچ ڕووبەڕووبوونەوەیەکی نێودەوڵەتی ڕوونەدات".

 

بۆچی گرنگە؟ ڕووسیا لە لەگەڵ ئۆكراینا لە شەڕدایە و ئەوروپا هێرشەكانی كرملین بۆ سەر كیێڤ بە هێرش بۆ سەر ئەوروپا دەزانێت، بەردەوام هەڕەشە لە رووسیا دەكەن و مۆسكۆش بە تووندی وەڵامیان دەداتەوە.