سوپای عێراق ڕێگری لە جووتیارانی دووز خورماتوو دەکات بەرهەمەکانیان ڕەوانەی سایلۆکان بکەن

ئاڤا نیوز

 

لە سنووری ناوچەی داوێ لە دووزخورماتوو، سوپای عێراق ڕێگری لە جووتیاران دەکات بەرهەمەکانیان بۆ سایلۆکان بگوازنەوە.

 

ئەوەی پێویستە بیزانیت: لەلایەن بازگەیەکی سوپای عێراقەوە کە بە بازگەی "چینکۆکە" ناسراوە، ڕێگری لەجووتیارانی 75 گوندی سنووری دووزخوورماتوو دەکرێت بەرهەمی گەنم و جۆیان ڕەوانەی سایلۆکان بکەن، ئەمەش بە بیانووی نەبوونی پلانەوە بۆ ناردنی بەرهەمەکانیان بۆ سایلۆکان.

 

لێدوانی فەرمی: هەڵکەوت محەممەد، دانیشتوویەکی سنوورەکەیە و بە ئاڤا نیوزی ڕاگەیاند: سەرجەم دانیشتووانی ئەو گوندانە کوردنشینن و بە بیانووی ئەوەی پلانمان نییە ڕێگری لەساغبوونەوەی بەرهەمەکان دەکەن.

 

ئەوەی پێویستە بیزانیت:  لەدوای 16ـی  ئۆکتۆبەرەوە، ساڵانە لەکاتی دوورینەوەی بەرهەمی پێگەشتووی (گەنم و جۆ) ئەم ڕێگریەی سوپای عێراق دووبارە دەبێتەوە.