وڵاتێک بێ بوونی ئاسایشی ئاو ناتوانێ خاوەنی پێگەیەکی ئابووری و سیاسی خۆی بێت
- ڕاپۆرت
- 12 ئایار
![وڵاتێک بێ بوونی ئاسایشی ئاو ناتوانێ خاوەنی پێگەیەکی ئابووری و سیاسی خۆی بێت](/_next/image?url=https%3A%2F%2Fassets.ava.news%2Fnews%2F5758%2FsTHslO2aNoJSCYvpdAX4.jpg&w=3840&q=100)
ناوچەیەکی وشکبوو. وێنە: سۆشیاڵ میدیا
ئاڤا نیوز
گرنگیدان بە ئاسایشی ئاو یەکێک بووە لە کارە بەردەوامەکانی کابینەی نۆیەم، بۆ ئەو مەبەستەش چەندین بەنداوی نوێ دروست کراون، کە بووەتە هۆی ئەوەی ڕێژەی گلدانەوەی ئاو بۆ سێ ملیار مەتر سێجا بەرز ببێتەوە.
بۆچی گرنگە؟ لە هەرێمی کوردستان بە گشتی 23 بەنداو و 118 پۆند بۆ گل دانەوەی ئاو هەن، بە مەبەستی بەرهەمهێنانی کارەبا، ئاودێری، گەشتیاری و چەندین بواری تر سوودیان لێ وەردەگیرێ.
ڕاگەیێنراوی فەرمی: فەرمانگەی میدیاو زانیاری ئاماژە بەوە دەکات: بەهۆی دروستکردنی بەنداوەکان کۆی گلدانەوەی ئاو لە هەرێمی کوردستان لە ساڵی 2024، بۆ زیاتر لە سێ ملیار مەتر سێجا بەرز بووەتەوە، لە کاتێکدا لە ساڵی 2023، زیاتر لە دوو ملیار مەتر سێجا ئاو گل درابووەوە.
بابەتە ستراتیژییەکان: بڕیارە چوار بەنداو لە پارێزگاكانی هەولێر، سلێمانی و دهۆک دروست بکرێن، ئەوانیش بەنداوەکانی خێوەتە و دەڵگە لە سنووری پارێزگای سلێمانی، مەنداوە لە هەولێر و باکرمان لە دهۆک.
لێدوانی فەرمی: بێگەرد تاڵەبانی، وەزیری کشتوکاڵ و سەرچاوەکانی ئاو بە ئاڤا نیوزی ڕاگەیاند، "شوێن بۆ ئەو چوار بەنداوە دابین کراوە، بۆ خێراکردنی هەنگاوە کردەییەکان بۆ جێبەجێکردنی، دەرخستەیەک پێشکەش بە سەرۆککۆماری عێراق دەکرێت".
پێدراوە ڕاستییەکان: لە کابینەی نۆیەمی حکومەتی هەرێمی کوردستاندا، شەش بەنداو تەواو کراون و ئاویان تێدا گلدەدرێتەوە و نزیکەی هەشت پۆندی دیکە تەواو بوونە. جگە لە بەنداوە گەورەکانی وەک دووکان، دەربەندیخان، دهۆک و گۆمەسپان، 21 بەنداو لە هەرێمی کوردستان هەن.
ئەوەی لەوبارەیەوە دەگوترێت: بە بڕوای د.کاروان سەباح هەورامى، مامۆستاى زانکۆ و پسپۆڕ لە ئاسایش، ئابووری و بەڕێوەبردنی ئاو لە هەرێمى کوردستان، پرسی ئاو ڕاستهوخۆ به سیاسهت و ئابوورییهوه بهستراوهتهوه و دەڵێت: "وڵاتێک ئهگهر بیهوێ خاوهنی سهقامگیری سیاسی بێ و خاوهنی پێگهیهكی ئابووری و سیاسی لهبار بێ، بهبێ بوونی ئاسایشی ئاو ناتوانێ خاوهنی پێگهی ئابووری و سیاسی خۆی بێ". د.کاروان ئەو قسانەی بۆ ماڵپەڕی حکومەت کردووە.
هەڵبژاردەکان بۆ تۆ
دوایین هەواڵەکان
- تەندروستی
- 8 کاتژمێر لەمەوپێش
لە مەغریب ژمارەیەک تووشبوونی نوێ بە کۆرۆنا تۆمار دەکرێت
- کوردستان
- 8 کاتژمێر لەمەوپێش
لە سلێمانی ڕێژەی دەرچوون لە پەیمانگەیەکی نابینایان ٪100 بووە
- کوردستان
- 10 کاتژمێر لەمەوپێش
هەزار و 169 کەس خۆیان بۆ پەرلەمانی کوردستان بەربژێر کردووە
- ڕۆژهەڵاتی ناوەڕاست
- 10 کاتژمێر لەمەوپێش
هەڵگری پاسپۆرتی سووریا دەتوانێت بۆ چەند وڵات گەشت بكات؟
- جیهان
- 11 کاتژمێر لەمەوپێش
لە فەڕەنسا هێرشكرایە سەر چەند شەمەندەفەرێک
- ڕاپۆرت
- 14 کاتژمێر لەمەوپێش
داعش و حەشد و ئەمریكا، جەنگێكی دیكە بۆ ناوچەكە
- ڕاپۆرت
- 25 تەممووز
ڕوونكردنەوەیەک لە وەزارەتی داراییەوە
- ڕاپۆرت
- 24 تەممووز
نەتانیاهۆ لە كۆنگرێس چی گوت؟