کێشەی ناوی مەسەدۆنیای باکوور سەرهەڵدەداتەوە

ئاڤا نیوز

 

گۆردانا سیلجانۆڤسکا-داڤکۆڤا، سەرۆکی نوێی مەسەدۆنیای باکوور، لە کاتی سوێندخواردنی ئامادە نەبوو پاشگری 'باکوور' لەگەڵ ناوی وڵاتەکەیدا بەکار ببات. ئەمە بووە هۆی ئەوەی باڵیۆزی یۆنان وەک نیشاندانی ناڕەزایی لە ڕێوڕەسمەکە بچێتە دەرەوە.

 

وێنە گەورەکە: ساڵی 2018 مەسەدۆنیا و یۆنان ڕێککەوتن لەسەر ئەوەی کۆتایی بە کێشەکانی نێوانیان پەیوەست بە ناوی مەسەدۆنیا بهێنن. بەو پێیەی مەسەدۆنیا ناوی هەرێمێکی یۆنانە، یۆنان ئامادە نەبوو ناوی دراوسێکەشی هەمان ناو بێت. بۆیە پاشگری باکوور بۆ دەوڵەتی مەسەدۆنیا زیاد کرا. لە بەرامبەریشدا یۆنان ڕێگرییەکانی بەردەم بەئەندامبوونی مەسەدۆنیای باکووری لە یەکێتیی ئەوروپا و هاوپەیمانیی ناتۆ هەڵگرتن. 

 

بۆچوونی لایەنی بەرامبەر: کیریاکۆس میتسۆتاکیس، سەرۆکوەزیرانی یۆنان، ڕەخنەی تووندی لە هەڵوێستەکەی سەرۆکی نوێی مەسەدۆنیای باکوور گرت و بە ناونەوەی کێشەی تۆمەتبار کرد. 

 

بابەتی ستراتیژی: کێشەی سەرەکیی یۆنان و مەسەدۆنیای باکوور لە سەر میراتی ئەسکەندەری گەورەیە کە خەڵکی مەسەدۆنیا بووە و یەکێک لە گەورەترین ئیمپراتۆریەتە دێرینەکانی ناو مێژووی دامەزراندووە.