کشمیرییەکان دژی هیندۆسەکان دەنگ دەدەن

ئاڤا نیوز

 

ڕێژەی بەشداریی دەنگدان لە هەرێمی کشمیری هیندستان بەرزترین ئاستی لە ماوەی سێ دەیەی ڕابردوودا تۆمار کردووە و گەیشتووەتە نزیکەی 36%. 

 

وێنە گەورەکە: پاڵنەری سەرەکیی بەشداریی کشمیرییەکان لە هەڵبژاردن بۆ دەنگدان بووە لە دژی نارێندرا مۆدی، سەرۆکوەزیرانی ئەو وڵاتە کە لە ساڵی 2019ـەوە بڕیاری هەڵوەشانەوەی دۆخی نیمچە ئۆتۆنۆمیی هەرێمەکەی داوە و بە هێزی سەربازیی داگیری کردووە. 

 

زانیاریی زیاتر: پارتەکەی مۆدی لەلایەن هیندۆسە ناسیۆنالیستەکانەوە پاڵپشتی دەکرێت و چاوەڕێ دەکرێت لەسەر ئاستی هیندستان ببێتە براوەی هەڵبژاردنەکان.

 

ئەوەی پێویستە بیزانیت: کشمیر ناوچەیەکی فراوانی موسڵماننشینە کە داوای سەربەخۆیی دەکەن؛ بەڵام لە نێوان هیندستان و پاکستاندا دابەش بووە. 

 

باکگراوند: لە کشمیر، ڕێژەی بەشداریی دەنگدان لە ساڵی 2019 تەنیا 14.1% و لە ساڵی 1996ـیش 41% بووە.