وەزارەتی دەرەوەی ئەمریکا: گۆڕینی وەزیری بەرگریی ڕووسیا دەریدەخات پوتین نائومێدە

ئاڤا نیوز

 

واشنتن گۆڕینی وەزیری بەرگریی ڕووسیا  لەلایەن پوتینەوە، بە نیشانەی نائومێدبوونی پوتین دەزانێت. 

 

وێنە گەورەکە: لە دیدگای ئەمریکاوە، ئەمە نیشانەی دوایین بێ ئومێدییەکانی پوتینە لە شەڕی دژی ئۆکراینا، جگە لە زیانە ئابوورییەکانی کە کاریگەرییەکی گەورەی لەسەر ڕووسیا دروست کردووە. 

 

لێدوانی فەرمی: ڤێدانت پاتێل، گوتەبێژی وەزارەتی دەرەوەی ئەمریکا گوتی: "ڕووسیا ئەم شەڕە بێ هۆکارەی لە دژی ئۆکراینا دەستپێکرد، پوتین دەتوانێت بە کشانەوەی هێزەکانی لە ئۆکراینا کۆتایی بەم شەڕە بێنێت".

 

ئەو مانایەی دەیگەیێنێت: ئەمریکا پێیوایە، شەڕی ئۆکراینا خەریکە چۆک بە پوتین دەدات و گەیشتووە بە دۆخی نائومێدی.