کۆریای باکوور: ئەمریکا خەریکی چەواشەکارییە

ئاڤا نیوز

 

کۆریای باکوور ڕەتیدەکاتەوە چەک ڕەوانەی ڕووسیا بکات تاوەکو لە شەڕی دژ بە ئۆکراینا بەکاری بهێنێت.

 

لێدوانی فەرمی: کیم یۆ جۆنگ، خوشکی کیم جۆنگ ئونی ڕێبەری کۆریای باکوور و کەسایەتیی بەهێزی ئەو وڵاتە، لە ڕێگەی میدیا فەرمیی کۆریای باکوورەوە ڕایگەیاند: "هیچ نیازێک بۆ ناردنی توانای تەکنۆلۆژیی سەربازیی بۆ هیچ وڵاتێک نییە. سیئۆل و واشنتۆن ڕای گشتی بە زانیاریی هەڵە چەواشە دەکەن بەوەی کە مووشەکیی درووستکراوی ئێمە ڕەوانەی ڕووسیا دەکرێت".

 

زانیاریی زیاتر: کۆریای باکوور ڕایدەگەیێنێت، کە تاقیکردنەوە مووشەکییەکان و پەرەدان بە توانا سەربازییەکانی بۆ "ئامادەکردنی سوپایە لە ڕووبەڕووبوونەوەی هەر شەڕێک". 

 

ئەوەی پێویستە بیزانیت: ئەمریکا و کۆریای باشوور، کۆریای باکوور تۆمەتبار دەکەن بەوەی مووشەکی جۆری کرووز بە ڕووسیا دەدات و بەر لە ناردنیشیان، تاقییان دەکاتەوە.