ڕووسیا زیاتر لە 100 درۆنی ئۆکراینا دەخاتە خوارەوە

ئاڤا نیوز

 

ڕووسیا دەستنیشانکردن و خستنەخوارەوەی زیاتر لە 100 درۆنی ئۆکراینی لە چەند هەرێمێکی ئەو وڵاتە ڕاگەیاند.

 

ڕاگەیێنراوی فەرمی: وەزارەتی بەرگریی ڕووسیا ڕایگەیاند: "51 درۆن لە ئاسمانی کریمیا دەستنیشان و تێکشکێندراون، 44یشیان لە ئاسمانی هەرێمی کراسنۆدار، شەشیش لە ئاسمانی هەرێمی بێلگۆرۆد و یەکێکیش لە ئاسمانی هەرێمی کورسک خراونەتە خوارەوە".

 

لەلایەکی دیکەوە: هێزە دەریاییەکانی ڕووسیا ڕاشیان گەیاندووە کە شەش درۆنی ئۆکراینییان لەسەر دەریای ڕەش خستووەتە خوارەوە.

 

ئەوەی پێویستە بیزانیت: ڕووسیا و ئۆکراینا، لە شوباتی 2022ـەوە لە شەڕدان. لە چەند هەفتەی ڕابردوودا شەڕەکە تووندتر بووە و هەردوولاش زیاتر لە جاران هێرشی درۆنی دەکەنە سەر یەکدی.