چەند وڵاتێک داوای دانبەخۆداگرتن لە ئیسرائیل دەکەن

ئاڤا نیوز

 

13 وڵاتی خۆرئاوایی داوا لە ئیسرائیل دەکەن سەبارەت بە ئۆپەراسیۆنی سەر ڕەفەح دان بە خۆیدا بگرێت و هێرشی فراوان نەکاتە سەر شارەکە.

 

ڕاگەیێنراوی فەرمی: لە بەشێک لە نامەکەدا کە ئاراستەی وەزیری دەرەوەی ئیسرائیل کراوە هاتووە، "ئێمە ناڕەزایی خۆمان بۆ ئۆپەراسیۆنی سەربازیی تەواوەتی بۆ سەر ڕەفەح دووبارە دەکەینەوە کە ئەنجامی کارەساتباری بۆ دانیشتوانی سڤیل لێدەکەێتەوە. هەروەها داوا لە حکومەتی ئیسرائیل دەکەین ڕێگە بدات یارمەتیی مرۆیی بچێتە ناو کەرتی غەززەوە".

 

زانیاریی زیاتر: وڵاتانی واژۆکەری نامەکە بریتین لە ئوسترالیا، بەریتانیا، کەنەدا، ژاپۆن، نیوزلەندا، کۆریای باشوور، دانیمارک، فینلاندا، فەرەنسا، ئەڵمانیا، ئیتاڵیا، هۆڵەندا و سوێد.

 

ئەوەی پێویستە بیزانیت: بەهۆی هێرشی ئیسرائیلەوە زیاتر لە 35 هەزار کەس لە کەرتی غەززە کوژراون و قەیرانێکی تووندی خۆراک، ئاو و سووتەمەنی سەریهەڵداوە.