خامنەیی و ئەنجوومەنی ئاسایش لەبارەی بێسەروشوێنبوونی سەرۆککۆمار کۆدەبنەوە

ئاڤا نیوز

 

بەرپرسانی باڵای ئێرانی لەبارەی ڕووداوی کەوتنەخوارەوەی هەلیکۆپتەرەکەی سەرۆککۆماری ئێران و ڕەوشی وڵات کۆ دەبنەوە.

 

وێنە گەورەکە: ئیبراهیم ڕەئیسی هەشتەمین سەرۆککۆماری ئێرانە و ڕۆژی 21-8-2024 دەست بەکار بووە، لە ماوەی دەستەڵاتیدا زیاتر پەرە بە پیتاندنی یۆرانیۆم دراوە، جگە لەوەش چەکی بە ڕووسیا دا تا دژی ئۆکرانیا بەکار بهێنرێت، سەرەڕای ئەوەش بۆ یەکەم جار هێرشیکی موشکەکی و درۆنیی چڕی کردە سەر ئیسرائیل، ڕۆڵی سەرەکیشی لە چەکدارکردنی میلیشیاکانی ڕۆژهەڵاتی ناوەڕاست هەبووە.

 

زانیاریی زیاتر: عەلی خامنەیی، ڕێبەری باڵای کۆماری ئیسلامی ئێران لەگەڵ ئەندامانی ئەنجوومەنی ئاسایشی نیشتمانی وڵاتەکەی کۆبوونەوەیەکی خێرای لەسەر چارەنووسی سەرۆککۆماری ئێران ئەنجام دا.

 

ئەوەی پێویستە بیزانیت: بە گوێرەی زانیارییەکانی ئاژانسی تەسنیمی ئێرانی، تا ئێستا گەڕان بە دوای هەلیکۆپتەرەکەی سەرۆککۆمار بەردەوامە کە بە هۆی تەمومژی زۆرەوە لە تووشی کارەسات بووەوە. وەزیری دەرەوەی ئێران و پارێزگار و پێشنوێژی هەینی پارێزگای تەورێزیش لە نێو هەلیکۆپتەرەکەی ئیبراهیم ڕەئیسیدا بوون.