عێراق پێشوازی لە بڕیاری نەرویج، ئیسپانیا و ئێرلەندا دەکات بۆ داننان بە دەوڵەتی فەلەستین

ئاڤا نیوز

 

وەزارەتی دەرەوەی عێراق پێشوازی لە بڕیاری نەرویج، ئیسپانیا و ئێرلەندا دەکات بۆ داننان بە دەوڵەتی سەربەخۆی فەلەستین و داوا لە وڵاتانی دیکەی جیهان دەکات دان بە دەوڵەتی فەلەستین بنێن.

 

بۆچی گرنگە: دوای ئەوەی هەریەک لە نەرویج، ئێرلەندا و ئیسپانیا ڕایانگەیاند، دان بە دەوڵەتێکی فەلەستینیدا دەنێن، پاڵپشتی ئەو وڵاتانە فەلەستین لە بەدەوڵەتبوون نزیک دەکاتەوە.

 

ڕاگەیێنراوی فەرمی: وەزارەتی دەرەوەی عێراق ڕایگەیاند: "ئەو بڕیارە هەنگاوێکی گرنگە بۆ گەڕاندنەوە و چەسپاندنی تەواوی مافی دەستبەسەرداگیراوی فەلەستین".

 

زانیاریی زیاتر: وەزارەتی دەرەوەی عێراق داوا له وڵاتانی جیهان دەکات: "هەنگاو بەرەو داننان به دەوڵەتی فەلەستین و مافه ڕەواکانی گەلەکەی بنێن و پشتیوانی له خەباتی نەتەوەییان بکەن".