دووەمین لیستی فەرمانبەرانی هەرێمی کوردستان ئاراستەی TBI کرا

ئاڤا نیوز

 

وەزارەتی دارایی هەرێمی کوردستان ڕایدەگەیێنێت، لیستێکی دیکەی ناوی مووچەخۆری هەرێمی کوردستانی له چوارچێوەی پڕۆژەی هەژماری من و بە پشتبەستن بە ڕێکەوتنی وەزارەتی دارایی و ئابووری لەگەڵ بانکی عێراقی بۆ بازرگانی (TBI) ڕەوانەی بەغدا کردووە.

 

ڕاگەیێنراوی فەرمی: وەزارەتی دارایی و ئابووریی هەرێمی کوردستان ڕایگەیاند: ڕۆژی پێنجشەمە 23-05-2024، دووەمین لیستی فەرمانبەران کە لە زانیاریی 453 فەرمانبەری سەرجەم وەزارەتەکانی هەرێمی کوردستان پێکهاتووە، ئاراستەی بانکی عێراقی بۆ بازرگانی (TBI) کرا. 

 

بۆچی گرنگە: حکومەتی هەرێمی کوردستان ئاسانکاریی تەواوی کردووە تاوەکو مووچەخۆران لە بانکە تۆمارکراوەکانی بانکی ناوەندیی عێراق مووچە وەربگرن، بۆ ئەوەی هیچ بیانوویەک بۆ وەزارەتی دارایی عێراق نەمێنێتەوە بۆ ناردنی مووچە.

 

زانیاریی زیاتر: حکومەتی هەرێمی کوردستان بەردەوام دەبێت لە ئامادەکردنی لیست و زانیاریی مووچەخۆران کە ئەم بانکە هەڵدەبژێرن، هەفتانەش لیستی نوێ بۆ بانکەکە ئامادە دەکات.

لەلایەکی دیکەوە: حکومەتی هەرێمی کوردستان بەپەرۆشەوە چاوەڕێی وەرگرتنی خشتە و زانیاری پێویستە دەربارەی پرۆسەی کردنەوەی هەژمارەکان و چاپکردنی کارتەکان بۆ ئەو فەرمانبەرانەی کەوا هەفتەی ڕابردوو زانیارییەکانیان بۆ بانکی ناوبراو نێردرابوو، بانکی TBI بەزووترین کات دەست بە کردنەوەی هەژماری بانکی بۆ فەرمانبەرانی خوازیار بکات.