یەکەمین لێکۆڵینەوە لەبارەی کەوتنەخوارەوەی هێلیکۆپتەرەکەی ڕەئیسی بڵاوکرایەوە
- ڕۆژهەڵاتی ناوەڕاست
- 23 ئایار
![یەکەمین لێکۆڵینەوە لەبارەی کەوتنەخوارەوەی هێلیکۆپتەرەکەی ڕەئیسی بڵاوکرایەوە](/_next/image?url=https%3A%2F%2Fassets.ava.news%2Fnews%2F6417%2FEtwQSXsoTLz63Ik7bPNf.jpg&w=3840&q=100)
یەکێک لە خاڵەکانی ئەنجامی لێکۆڵینەوەکەی ئێران ئەوەیە کە بە درۆنی ئێرانی هێلیکۆپتەرەکەی رەئیسی دۆزراوەتەوە. دیزاین: ڕامتین هەماوەند
ئاڤا نیوز
ئێران یەکەمین ڕاپۆرتی لیژنەی لێکۆڵینەوە لەبارەی کەوتنەخوارەوەی هێلیکۆپتەرەکەی ڕەئیسی بڵاوکردەوە و دەڵێت، هێلیکۆپتەرەکە لەو ڕێڕەوە دەرنەچووە کە بۆی دیاریکراوە، بەڵام بەهۆکاری تەم و نالەباریی کەشوهەوا هێلیکۆپتەرەکە بەر بەرزاییەک کەوتووە و کەوتووەتە خوارەوە و دواتر ئاگری گرتووە.
بۆچی گرنگە: لەدوای کەوتنەخوارەوەی هێلیکۆپتەرەکەی ئیبراهیم رەئیسی چەندین گومان دروست بوون لە هۆکاری ڕاستەقینەی ڕووداوەکە، بۆیە دەستبەجێ لیژنەی لێکۆڵینەوە لە ڕووداوەکە پێکهێنرا.
ئەوەی پێویستە بیزانیت: ڕاپۆرتەکە هەر جۆرە هەوڵێکی خستنەخوارەوە یان بەئامانجگرتنی هێلیکۆپتەرەکە ڕەتدەکاتەوە، ئاماژە بەوەش دەدات کە لێکۆڵینەوەی زیاتر لە ڕووداوەکە دەکرێت و ئەنجامەکانی دیکەش ڕادەگەیێنرێن.
ئەنجامی لێکۆڵینەوەکەی ناوەندی پەیوەندییەکانی هێزە چەکدارەکانی ئێران بەمجۆرەیە:
- هێلیکۆپتەرەکە لەو ڕێڕەوە دەرنەچووە کە پێشتر بۆی دیاری کرابوو.
- نزیکەی یەک خولەک و نیو بەر لە ڕووداوەکە، فڕۆکەوانەکە پەیوەندی لەگەڵ فڕۆکەوانەکانی دوو هێلیکۆپتەرەکەی دیکە کردووە.
- هیچ نیشانەیەک لە بەرکەوتنی گولـلە یان شتی هاوشێوە لەنێو پارچە بەجێماوەکانی هێلیکۆپتەرەکە نەبینراوە.
- هێلیکۆپتەرەکە دوای ئەوەی بەر بەرزاییەک دەکەوێت ئاگر دەگرێت.
- درۆنی ئێرانی شوێنی دروستی کەوتنەخوارەوەی هێلیکۆپتەرەکەی دەستنیشان کرد.
- لە پەیوەندییەکانی بورجی چاودێری لەگەڵ هێلیکۆپتەرەکە هیچ شتێکی نامۆ و گوماناوی بەدی نەکراوە.
- لێکۆڵینەوەی زیاتر لە بەڵگە و پارچەی هێلیکۆپتەرەکە کاتی زیاتری پێویستە.
هەڵبژاردەکان بۆ تۆ
دوایین هەواڵەکان
- جیهان
- 12 خولەک لەمەوپێش
ئەمریکا تەنها 90 ڕۆژ بۆ تیکتۆک دادەنێت
- جیهان
- 26 خولەک لەمەوپێش
لە ڤەنزوێلا هەڵبژاردنی سەرۆكایەتی دەكرێت
- کوردستان
- 30 خولەک لەمەوپێش
لە سلێمانی ڕێژەی دەرچوون لە پەیمانگەیەکی نابینایان ٪100 بووە
- تەندروستی
- 9 کاتژمێر لەمەوپێش
لە مەغریب ژمارەیەک تووشبوونی نوێ بە کۆرۆنا تۆمار دەکرێت
- کوردستان
- 11 کاتژمێر لەمەوپێش
هەزار و 169 کەس خۆیان بۆ پەرلەمانی کوردستان بەربژێر کردووە
- ڕۆژهەڵاتی ناوەڕاست
- 11 کاتژمێر لەمەوپێش
هەڵگری پاسپۆرتی سووریا دەتوانێت بۆ چەند وڵات گەشت بكات؟
- ڕۆژهەڵاتی ناوەڕاست
- 19 کاتژمێر لەمەوپێش
ئەمریکا و بەریتانیا هێرش دەکەنە سەر حوسییەکان